لسیزو جګړو او تاوتریخوالي په افغانستان کې د ژوند هر اړخ باندې د پام وړ اغیزه کړې.
په هرصورت، کلتوري دودونه ساتل شوي او افغانانو د مختلف هنرونو عمل ژوندي ساتلی، دواړه د سولې لپاره د خلکو د غږ څرګندلو او د ځان د هوساینی د یوې وسیلې په توګه استعمالېږې.
د طلوع نیوز خبریال تمیم حمید له دوو ځوان افغانانو سره چه په هنرونو کې بوخت وه خبری وکړی.
د ځوانانو نظر
سمیع فقیري یو خطاط او هنرمند دی چې د هنر په یو مرکز کې زده کونکو ته د خپل مسلک تدریس کوي.
“موږ له هغوی څخه غواړو چې رنګارنګ مرغۍ رسم کړي او پکې د طبیعت او د افغانستان کلتوري او تاریخي یادګارونه شامل وي. پدې توګه موږ غواړو د دوی سره د ښکلي نظر یا نقاشۍ تمرکز کې مرسته وکړو،”، فقیری.
18 کلن زبیر احمد د دولسم ټولګي زده کوونکی دی او وايي چې دا د هغه هیله دی چې په مسلکي توګه د خطاطۍ تمرین وکړي.
زبیر احمد وویل: “یو هنرمند یا لیکونکی امنیت او په سوله ایزه توګه کار کولو ته اړتیا لري.”
محبوبه چی یوه زده کونکې ده وویل: “زه نه غواړم وژنې او داسې نور شیان انځور کړم، زه د طبیعت نقشه خوښوم.”
نهه کلنه دنیا د رنګ کولو زده کړه کوي.
“زه غواړم یوه ښه لیکواله او هنرمنده اوسم، زه غواړم د نورو لپاره لیکل وکړم، موږ سولې ته اړتیا لرو.”
هره ورځ، د هیواد په لوی ښارونو کې په ځانګړي توګه په کابل کې تاسو د ښار په دیوالونو کې نقاشی او پیغامونه گورئ چې په هیواد کې جنګ او تاوتریخوالي منعکس کوي.
ښوونکي تمه لري چې د انځورګرئ او خطاطئ ځوان نسل به وکولی شي د دې وسایلو له لارې په راتلونکي کې خپل لید څرګند کړي.
