په کونړ کې زرګونه میرمنې په دولتي پوستونو کې کار کوي او دا میرمنی د ښه چلند غوښتنه کوي. همدارنګه، دوی غواړی چې لاسته راوړنې دې د سولې په پروسه کې خوندي شي.
د کنړ ولایت د ښځو چارو ریاست چارواکو د پنجشنبې په ورځ وویل چې څه د پاسه ۲،۹۰۰ میرمنې په ختیځ ولایت کنړ کې په دولتي ادارو کې په بیلابیلو څانګو کې کار کوي.
د سیمه ییزو چارواکو په وینا، په دغه ولایت کې ۱،۳۰۰ نورې میرمنې او انجونې هم کار کوي او هم زده کړې کوي.
لیکن، دا شمیره په ټوله سیمه کې یوازې ۳ سلنه میرمنې دی.
په ورته وخت کې په کونړ کې یو شمیر میرمنو ویلي چې په افغانستان کې د سولې پروسه به تر هغې بریالۍ نه وي ترڅو چې ډاډ ترلاسه شي چې د ښځو ګټې به خوندي شي.
کونړ کی ښځو ته موجوده ستونځی
۲۳ کلنه حميده د لسانس تر کچی زده کړی لری او اوس مهال د کونړ مرکز اسعداباد کې په کار بوخته ده.
هغی وويل: زه د کور څخه تر د کار ځای په اوږدو کې د نارينه وو لخوا د ناوړه چلند شاهده یم. هغه وایی نارینه فکر کوی چی زنانه له خپلو کورونو څخه ووځی نو ښه اخلاق نه لری، خو ما د دې وضعیت پر وړاندې مبارزه کړې.
د احصایو له مخې دا مهال په کونړ کې ۹۰،۰۰۰ انجونې په ښوونځیو کې شاملې دي.
“میرمنو دا ټولې لاسته راوړنې د کورونو څخه بهر د کار کولو حق په شمول د زرګونو ستونزو په زغملو سره ترلاسه کړې. ځینې خلک شتون لري چې د ویاړ احساس کوي کله چې یی میرمنې بهر کار کوي، دا څو کاله دمخه امکان نه درلود”.
په کونړ کې د ښځو پر وړاندې تاوتریخوالی هم یوه ستونزه ده چې د میرمنو ترمنځ یې اندیښنې راپورته کړي دي.
د کنړ د ښځو چارو رییسه سهیلا بابر وویل: “موږ ښځو ته د هغوی د حقونو په اړه روزنه ورکړه، خو لاهم په کونړ کې داسې کلي شتون لري چیرې چې ښځې د خپلو حقونو په اړه نه پوهیږي.”
نجوا د خپل تره زوی سره هغه وخت کوژدنه وکړه کله چې هغه ډیره کوچنۍ وه، مګر د هغی واده د هلک د کورنۍ د بې وزلۍ له امله لغوه شو.
هغه دوه میاشتې دمخه د خپل میړه سره خپل کور نه وتښتېده. وروسته هغه له کوره د تیښتې په تور ونیول شوه او په ۱۶ میاشتو بند محکومه شوه.
نجوا وویل: “دا پیښې چې موږ یی شاهدان یو- د جګړې او تاوتریخوالي پایله ده. که جګړه او تاوتریخوالي پای ته ورسیږي او سوله وي، نو د ښځو په وړاندې به تاوتریخوالی کم شي.”
په ورته وخت کې په کونړ کې میرمنو ویلي چې په تیرو دوه لسیزو کې په افغانستان کې د میرمنو لاسته راوړنې باید خوندي شي.
“طالبان د تاوتریخوالي کمولو ژمنې ته غاړه نه ږدي، دا د دې لامل شوی چې موږ پر طالبانو باور ونکړو؛ د دې احتمال شتون شته چې طالبان به په راتلونکي کې د ښځو د حقونو په اړه له خپلو کړو ژمنو سرغړونه وکړي- د کونړ اوسیدونکی ، فوزیه “
