د متحده ایالاتو د بهرنیو چارو وزیر انتوني بلینکن د سه شنبې په ورځ په بروکسل کې په یوه خبري کنفرانس کې ژمنه وکړه چې د ناټو د نظامي اتحاد “بیا رغونه” کوي او له افغانستان څخه د احتمالي وتلو په اړه د امریکا پلانونه به شریکوي.
بلینکن وویل چې د امریکا لخوا د افغانستان په اړه کتنه روانه ده او هغه له دی لپاره په بروکسل کې دی چې خپلې لومړنۍ موندنې د ناټو متحدینو سره شريکی کړی.
بلینکن وویل چې په راتلونکو دوو ورځو کې به له متحدینو سره به په “پراخه اجنډا” خبری وکړي، کوم کی چی به په افغانستان کې د ناټو روان ماموریت هم شامل وی.
د افغانستان لپاره د متحده ایالاتو د پلانونو په اړه یوې پوښتنې ته په اشارې کی، هغه وویل: “موږ په متحده ایالاتو کې په دی باره کی کتنه لرو. زه دلته یم تر سو خپل لومړني فکر زموږ د ناټو متحدینو سره شریک کړم مګر ممکن تر دې نور مهم هم وي، زه دلته د اوریدو او مشورې لپاره یم ځکه چې دا هغه څه دي چې متحدین یې کوي.”
“موږ په ګډه دننه شوی وو، موږ یوځای تنظیم شوی وو او کله چې وخت مناسب وی، موږ به یوځای سره ووځو.
بلینکن څرګنده کړه چې تیره اونۍ ولسمشر جو بایډن وویل چې د بشپړ وتلو لپاره د می ۱ نیټه به سخت کار وي خو که څه هم متحده ایالات دا کار وکړي نو دا به زموږ د ناټو متحدینو په فکر سره وی.
هغه وویل، تاکتیکي پریکړې یو طرف، “موږ د ناتو له متحدینو سره متحد یو چې دا شخړه مسؤلانه پای ته ورسوو او خپل سرتیري له زیان رسولو څخه وژغورو، لکه څنګه چې موږ په کلکه اراده لرو چې ډاډ ترلاسه کړو چې افغانستان بیا هیڅکله د ترهګرو خوندي ځای نه شي، څوک چې متحده ایالات یا زموږ متحدین
تهدید کړی. “
افغانستان په اړه د ناټو نظر
دناټو مشر وویل چې دوی خپل ۳۰ متحدینو سره د ناستې او په افغانستان کې د پرمختګ په لاره کې د مشورې لپاره غوره فرصت لري.
هغه زیاته کړه: “موږ په ګډه ننوتی یو، موږ سره یو ځای شوي یو او کله چې وخت سم وی، موږ به سره یوځای ووځو.” سټولټنبرګ، د بلینکن په څرګندولو سره وویل: “له دې امله، موږ اړتیا لرو چې په ګډه کار وکړو، همغږي او پریکړې وکړو.”
هغه وویل چې دوی اړتیا لري د تاوتریخوالي کموالی وویني او چې طالبان د القاعده په ګډون د نړیوالو ترهګرو ملاتړ ودروي.
