اکستان د افغانستان په سویل کې د کامسیټ (COMSAT) پوهنتون د کیمپس په جوړولو کې ډیره لیوالتیا څرګنده کړه.
د ساینس او ټیکنالوژۍ وفاقي وزیر فواد چوهدري په اسلام آباد کې د ځوانانو د متشبثینو دوهم کنفرانس ته وینا کې په کندهار کې د یاد پوهنتون کیمپس د پرانستلو لپاره د پاکستان خواهش څرګند کړ.
هغه وویل چې پاکستان په پام کې لري ترڅو په ټول افغانستان کې د ساینسي او تحصیلي مرکزونو سربیره شاوخوا ټولو پوهنتونونو کی افغان محصلینو ته داخلې ورکړي.
چودري له افغان او پاکستانیو ځوانانو وغوښتل چې تېرې تجربې هېرې کړي او د ښې راتلونکې لپاره په ګډه کار وکړي، چې یوازې د تیرو تیروتنو او زده کړې له لارې ترلاسه کیدلی شي.
افغان سفیر: (sub title)
په دې مراسمو کې د افغانستان سفیر نجیب الله علی خیل وویل: د افغانستان او پاکستان امنیت او سوکالي له یو بل سره تړلي دي. دواړه هیوادونه باید د خپلو دوه اړخیزو ګټو لپاره په ګډه کار وکړي. ”
علی خیل همدارنګه وویل چې د عامه او خصوصي سکتورونو ترمنځ ګډ کار به د ګاونډیو تر منځ د اړیکو پیاوړي کولو کې مرسته وکړي.
علي خېل زياته کړه چې تلپاتې سوله د ټولو افغانانو بنيادي غوښتنه او هيله ده. هغه هیله وکړه چې د تاوتریخوالي کمولو او هر اړخیز اوربند په اعلانولو سره دا هدف ترلاسه کیدی شي.
