یوه امریکایی خبرپاڼه راپور ورکوی چی متحده ایالات په افغانستان کې هغه شمیر چی دوی ښایی، ۱۰۰۰ څخه زیاد نور سرتیری هم لری.
راپور په داسې وخت کې راځي چې د بایډن اداره د می تر ۱ نیټی پورې د هیواد څخه د عسکرو بشپړ وتلو په اړه د طالبانو سره د تیر کال سولې لیک بیاکتنه کوي.
نیویارک ټایمز د یکشنبې په ورځ ناوخته راپور ورکړ چې د ځینې موقتي او انتقالي واحدونو شتون د اضافي سرتیرو حساب کی زیاتوالی راولی.
سرچینه زیاتوي چې په دې سرتیرو کې د ځانګړو عملیاتو د ګډې قوماندې واحدونه هم شامل وه، چې ځینې یې رینجرز ځواک دی چی د پنټاګون او سي آی اې لاندې په افغانستان کې د اردو کار کوی.
ورځپاڼه لیکي، د دفاع وزارت لخوا رسما منل شوي تعداد په پرتله په یوه هیواد کې د نورو ځواکونو درلودل یوه عادي خبره ده.
د پنټاګون ویاند، جګړن روب لوډویک نیویارک ټایمز ته په یوه بریښنالیک کې وویل: “موږ لاهم په افغانستان کې ۲۵۰۰ ځواک لرو”.
د پنټاګون د چارواکو په وینا شاوخوا ۲۵۰۰ امریکايي سرتیري لاهم په افغانستان کې دی، خو ټایمز ویلي چې دقیق شمیر شاوخوا ۳۵۰۰ دی.
د ټرمپ ادارې سره د دوی د هوکړې پراساس، طالبان له افغانستان څخه د امریکایانو په بشپړ ایستلو ټینګار کوي.
